2024 жылдың 24 мамыр күні «Облыстық арнайы мектеп-интернатындағы» барлық сыныптар арасында «Білімім – Отаныма!»атты жалпы республикалық бірыңғай тәрбие сағаттары өтті. 2023-2024 оқу-жылын қорытындылауға арналған тәрбие сағаттарының мақсаты балаларды ұстаздарды құрметтеуге, білім ұясына қамқор және білім алуға құштар болуға, жыл бойы алған білімінің нәтижесін қорытындылай білуге тәрбиелеу. Тәрбиелік шараға мектеп ұстаздары, ата-аналар қатысты.
Тәрбие сағаты Қазақстан Республикасының Мемлекеттік Әнұранымен басталды. Іс -шарада Оқу ағарту министрі Ғ.Бейсембаевтың республиканың білім алушыларына құттықтау сөзі мультимедия арқылы көрсетіліп, тыңдалды. Одан әрі мектеп-интернат директоры Л.Ж.Тулепова оқу жылының аяқталуымен қатысушыларды құттықтап, оқу жылының қорытындысына орай әрбір оқушының, мұғалімнің жыл бойғы еңбегіне ризашылық білдіріп, жыл бойындағы жетістіктері туралы тоқталып, белсенді оқушыларды марапаттады.
