БАЛАНЫҢ КЕМШІЛІГІН ЕМЕС АРТЫҚШЫЛЫҒЫН КӨРІҢІЗДЕР бұл бүгінгі облыстық арнайы мектеп-интернатында өткен көшпелі тәжірибелі сабақтың дәйек сөзі болды.
⠀
Бүгін психология және педагогика кафедрасының Арнайы педагогика білім бағдарламасы бойынша 1 курс студенттеріне “Арнайы психология” пәнінен көшпелі тәжірибелі сабақ Атырау облысы Білім беру басқармасының Атырау Облыстық Арнайы Мектеп-интернат базасында өтті.
⠀
Арнайы психология оқу процесінде оқушылардың жеке ерекшеліктерін, қажеттіліктерін және мүмкіндіктерін ескере отырып, тиімді оқыту әдістерін қолдануға мүмкіндік береді.
⠀
Аталмыш пән студенттерге психологиялық тұрғыдан дайын болуға, әр түрлі психикалық бұзылыстар мен қиындықтарға тап болатын оқушылармен жұмыс істеуге дағдылануға көмектеседі.
⠀
Бүгінгі көшпелі тәжірибелі сабақ барысында арнайы мектеп-интернатының психолог маманы Айнур Мухтарқызы өз тәжірибесімен бөлісіп студенттерге өте жоғары деңгейде шеберлік сағатын көрсетті.
⠀
Аталмыш сабақты ұйымдастырушы кафедраның аға оқытушысы Айдана Нұржанқызы.
⠀
Әрбір бала жарық жұлдыз, жарқырауына жәрдем ет деп Жүсіп Баласағұн айтқандай әр баланың ерекше қабілетін байқап оның жұлдызын жағу кез келген педагогтың міндеті десек, бүгінгі сабақ арқылы 1 курс студенттерінің мамандыққа деген қызығушылығын әрмен қарай арттырдық деп ойлаймыз.
⠀
Осы жолда бізге үнемі қолдау көрсетіп тығыз байланыста жұмыс жасайтын мектеп басшысы Лаззат Тулеповаға психолог Айнур Исаева әрине пән оқытушысы Айдана Онгарбайға ризашылығымды білдіремін.