Мұзбалақ ақын кеші өтті.

Кештің мақсаты – XX ғасырдың шекарасынан тоқтаусыз өткен, XXI ғасырға жарқырап жеткен, соныңа айрықша өшпейтін із қалдырған ақынның өмірі мен шығармашылығына шолу жасап, өлеңдері мен әндерімен танысу арқылы оқушыларды елжандылыққа, отансүйгіштікке, әсемдікке тәрбиелеу.

Шара ақынның таспаға жазылып алынған өз дауысымен ашылып, «Есіңе мені алғайсың» өлеңі оқылды. Одан әрі интерактивті тақтадан Мұқағали ақынның өмір жолынан деректер көрсетілді.

Әдеби сазды кеш барысында ақынның «Шеше сен бақыттысың !» өлеңі бойынша тәрбиешілер мен мұғалімдер қойылым көрсетті.

Ақынның туған жерге, елге, халқына, Отанына, ана тіліне деген махаббат сезімі ақын ретінде оның басты тақырыбы еді. Ол өзінің ұлтын, туған тілін ерекше құрметтеді. Осыған сәйкес «Өзіңді өзің жақсы көр», «Әттең, әттең», «Туған жер», «Ей, бауырым» өлеңдерін тәрбиешілер мәнерлеп жатқа оқыса, «Арыз жазып кетейін», «Досыма», «Қарасазыма», «Отан», «Бақыт деген не өзі ?» өлеңдерін 3-7 сынып оқушылары жатқа оқып, «Күрең күз» әні бойынша оқушылар би биледі.

Кеш соңы оқушылар мен тәрбиешілердің бірігіп орындаған «Отан» өлеңімен қорытындыланды.

Мектепішілік «Мұқағали – мәңгілік ғұмыр» атты ақынға арналған әдеби сазды кешті қорытындылаған мектеп-интернат басшысы Л.Ж.Тулепова белсене қатысқан оқушыларды марапаттап, кешті ұйымдастырған тәрбиешілер бірлестігіне алғыс айтты.

Шараға қатынасушылар «Ғасыр ақыны» атанған Мұқағали жырларының жылдан -жылға, ғасырдан- ғасырға жалғаса беретініне көз жеткізіп, ризашылықпен тарқасты.